नाच रे मोरा, आंब्याच्या वनात, __ भरली, माझ्या मनात

कोकणच्या माणसांत, हापूस आंब्याची गोडी, ____आणि माझी, लक्ष्मी-नारायणाची जोडी

तलावात उगवले, सुंदर कमळ, ___माझी, आहे खूपच प्रेमळ

समुद्राचे पाणी, लागते खूप खारे, ___साठी तोडून आणेन, मी आकाशातील तारे 

निळ्या निळ्या नभाखाली, थुई थुई नाचतो मोर, ___रावांसारखे पती मिळाले, भाग्य माझे थोर

मधाची गोडी, आणि फुलांचा सुगंध, ____रावांच्या संसारात, गवसला खरा आनंद

पती म्हणजे सागर, पत्नी म्हणजे सरिता, ___ रावाचं नाव घेते, तुम्हां सर्वांकरिता

पावसाच्या पहिल्या सरीसाठी, झुरते चातकपक्षाची काया, ___ रावांमुळे मिळाली, सासरी सर्वांची माया

असंख्य तारे, नभात पाहावेत निरखून, ___रावांसारखे पती, वडिलांनी दिले पारखून

चंद्राला पाहून, भरती येते सागराला, ___ची उत्तम साथ, मिळाली माझ्या जीवनाला