चांदीची जोडवी, सौभाग्याची खूण, ___रावांचे नाव घेते, ___ची सून 

हिरव्या हिरव्या साडीचा, पिवळा काठ जरतारी, __ रावांचे नाव घेताच येई, चेहऱ्यावर तरतरी

नव्या नवरीला शोभतो, हिरव्या बांगड्यांचा चुडा, ___ व माझा, आज आहे साखरपुडा

जरतारी पैठणीवर शोभे, कोल्हापुरी साज,  __च नाव घेऊन, गृहप्रवेश करते आज

सोन्याची अंगठी, चांदीचे पैंजण, __ रावांचे नाव घेते, ऐका गुपचूप सर्वजण

लग्न लागले, घातले मंगळसूत्र, ___रावांसोबत, सुरु झाले नवे सत्र

नको मला हिरे-माणके, नको आकाशातील तारे, ___ हेच माझ्या, जीवनाचे अलंकार खरे

प्रेमाच्या चौकात, किती पण फिरा, शोधून नाही सापडणार, ___सारखा हिरा

नील नभाच्या तबकात, नक्षत्रांचा हार, ___रावांचा स्वभाव, आहे फारच उदार

दशरथ राजाला, पुत्र होते चार, ____रावांनी घातला, मला मंगळसूत्राचा हार