नवे नवे जोडपे, आशीर्वादासाठी वाकले, __रावांसोबत, मी सासरी पाऊल टाकले

नाचत नाचत वाजत-गाजत, आली आमची वरात, __रावांचे नाव घेते, __च्या दारात

शुभ वेळी शुभ दिनी, आली आमची वरात,  __रावांचे नाव घेते, टाकून पहिले पाऊल घरात

आकाशात शोभून दिसे, चंद्राची कोर, ___रावांसारखे पती मिळाले, भाग्य माझे थोर

ते उडवतात पतंग, आणि मी पकडते फिरकी, ___रावांच्या मागे सात जन्म, अशीच घेईन मी गिरकी

काचेच्या वाटीत, फळे ठेवली कापून, ___रावांचे नाव घेते, सर्वांचा मान राखून

एक दिवा दोन वाती, एक शिंपला दोन मोती, अशीच राहू दे, माझी व ___ रावांची प्रेम ज्योती

कपाळी लावली, टिकली चंद्रकोर, ___रावांसारखे पती मिळाले, भाग्य माझे थोर

खडी साखरेची गोडी, अन् फुलांचा सुगंध, ___ रावांच्या संसारात, मिळाला खूपच आनंद

जीवनाच्या सागरात, सप्तरंगी पूल प्रेमाचा, ___रावांच्या साथीने, संसार करीन सुखाचा