हिरव्यागार रंगाने, श्रावणात सुष्टी सजली, ___रावांच्या नावाने, मी मंगळागौर पुजली

सूर्याच्या किरणांनी, उगवली पहाट,  __रावांमुळे झाली, सुखकर प्रत्येक वाट

झुळूझुळू पाण्यात, हळू हळू चाले होडी, शोभून दिसते सर्वांमध्ये, __ व माझी जोडी

दीन दुबळ्यांचे गाऱ्हाणे, परमेश्वरानी ऐकावे, ___रावांसारखे पती मिळाले, आणखी काय मागावे?

चहा गरम राहावा म्हणून, कपावर ठेवली बशी, __माझी गरीब गाय, बाकी सगळ्या म्हशी

केस झाले पांढरे, तरी मिशी अजून काळी, माझ्या संसारवेलीचे __राव माळी

यमुनेच्या पाण्यात, ताजमहालाचे पडते प्रतिबिंब, ____चे नाव घेण्यास, कशाला करू विलंब?

हिरव्या हिरव्या जंगलात, उंच उंच बांबू, मी आहे लंबू आणि __ किती टिंगू

गोंडस बाळ व्हावे म्हणून, केला आम्ही नवस, ___ रावांच्या मुलीचा, आज बारश्याचा दिवस

___च्या दिवशी, दारावर बांधले तोरण, ___रावांचे नाव घ्यायला, कशाला हवे कारण?