तिळासारखा स्नेह आणि गुळासारखा असावा गोडवा, ___रावांचे नाव घेत, सुखी संसाराचा मागते जोगवा

हळदी कुंकवानिमित्त, दरवळला अत्तराचा सुगंध, ___रावांचे आणि माझे आहेत, जन्मोजन्मींचे दृढ बंध

चांदीच्या दिव्यात लावली, तुपाची वात, ___रावांचे नाव घेत करते, हळदी कुंकवाला सुरूवात

संक्रांतीला लुटावे, तिळगुळाचे वाण, ___रावांमुळे मिळाला मला, सौभाग्याचा मान

संक्रांतीच्या दिवशी देते, तीळ आणि गूळ, ___राव आहेत माझ्या, सुखी संसारवेलीचे मूळ

हळदी कुंकुवासाठी, जमल्या साऱ्या बायका, ___रावांचे नाव घेते, सर्वानी नीट ऐका

सोसाट्याच्या वाऱ्याने, सगळीकडे उडते धूळ, ___रावांचे नाव घेऊन, संक्रांतीला वाटते तिळगूळ

तिळगुळाच्या देवघेवीने, दृढ प्रेमाचं जुळलं नातं, ___रावांचे नाव घेते, आज आहे मकरसंक्रांत